Laurdag 26.09.2026 blir det på nytt arrangert Babettes gjestebod her på Gloppen Hotell.
Billett kan du bestille her. Sjå kalender like under.
Vi ønsker å gjenskape magien frå denne kjende novella av Karen Blixen. Stemninga, matgleden og varmen er fantastisk! Ei feiring av livet, av kokkekunsten - der maten skapar ei høgtid og foreiner mennesker.
Hovudpersonen i novella «Babettes gjestebud», av Madame Babette Hersant, var opprinneleg ein glimrande kokk på den kjende restauranten Cafe Anglais i Paris, før ho på grunn av borgarkrigen flykta til Berlevåg i 1871. Etter 14 år med klippfisk og ølebrød hjå dei to fromme og strengt religiøse systrene, brukar Babette heile premien på 10.000 franc på eit fantastisk måltid for å markere den avdøde prosten sin 100-årsdag.
Menyen bestod av klassiske rettar frå rundt 1840 i Paris, med det beste av dei beste råvarene. Måltidet der den gode smaken var basert på ekte kjærleik, uforløst årelang ueinighet og stridigheiter blant menigheten sine medlemmar. Plutseleg blir dei forsonande og opplever korleis fellesskap og samhald kan oppstå ved eit godt måltid. Stemninga rundt bordet blei på eit vis nesten guddommeleg deilig.
Denne kvelden vil vårt kjøkken lage til den same menyen, med unntak av bruk av skilpadde som er freda, og med nokre tilpassingar, men vi håper og trur at dette blir eit kulinarisk høgdepunkt. Gjestfrihet set vi høgt her på hotellet og det er ikkje tilfeldig at vi steller til akkurat dette måltidet, som handler om nettopp gjestfrihet, varme og matglede.
Anne Mette Hjelle har studert i Paris og vil lede an kvelden saman med Margrethe Henden Aaraas. Det vil også bli musikalsk underhaldning.
Handlinga i novella foregår seg på same tid som Gloppen Hotell/Sivertsens Hotell vart etablert, på midten på 1800-talet. I Gloppen blir dette arrangementet noko nytt, og vi likar kombinasjonen av internasjonal matkunst, musikk av ypperste klasse og koblinga til bondesamfunnet.
Gjer deg klar til å dykke inn i ei anna verd saman med oss og denne kjende historia.
Vi gler oss stort!
Her er kveldens meny:
o Kalveconsomme med små kalvekjøttboller og grava, lokal eggeplomme
o Blinis med kaviar, rømme og løk
o Vaktel på butterdeig
o Salat med rosiner og valnøtter
o Ostar og frukt
o Baba au rum (formkake)
Program:
o Velkomen og aperitiff.
o Filmen «Babettes gjestebud» blir vist. Pause undervegs.
o 6-retters middag med 5 glas drikkepakke.
Pris pr. person kr. 2195,- inkludert drikkepakke (med eller utan alkohol).
2
